Saturday, October 5, 2013

ಬಿಡುಗಡೆ...

ಬಯಸಿತ್ತೋ ಬಿಡುಗಡೆ ಚಂದ್ರಮನಿಂದ ಚಂದ್ರಿಕೆ??
ಸಂಶಯವೇ ಮುಳ್ಳಾಯ್ತು ಚಂದ್ರಮನ ಬಾಳಿಗೆ

ನೀ ನುಡಿಯದ ಮಾತುಗಳ ನಿನ್ನ ಕಣ್ಣು ಆಡಿದ್ದು ಅಂದು ಅರ್ಥವಾಗುತ್ತಿತ್ತು
ಈಗ ಅಲ್ಲಿ ಬರೀ ಕಲಸಿಟ್ಟ ಬಿಂಬಗಳು..

ಇಷ್ಟು ದೂರ ಬಂದ ಮೇಲೂ ಕೇಳುವೆ
ನಮ್ಮ ಪಯಣ ಎಲ್ಲಿಗೆ?
ಗುರಿಯ ನಾ ಅರಿಯೆ..ನಿನ್ನ ಜೊತೆ ನಡೆವನಕ
ಹಾದಿ ಸೊಬಗು ಮಾಸದಿರಲಿ..ಅದೇ ಒಂದು ಕೋರಿಕೆ!!

ಬಿಟ್ಟು ಹೋಗುವಾಸೆ ನಿನಗೆ..ಯಾಕೆ ಹೀಗೆ ಕೆಟ್ಟೆ
ಸಂಶಯದ ಮುಳ್ಳ ಮೇಲೆ ಒಗೆದೆ ಏಕೆ ಬಾಳ ಬಟ್ಟೆ??

ಬಾ ಒಂದು ಕ್ಷಣ, ನಿನ್ನೊಡನೆ ಗತವ ಕೆದಕುವಾಸೆ ನನಗೆ
ನನ್ನ ನೀನು ನಿನ್ನ ನಾನು ನೋಡುತಾ ಮತ್ತಿನಲ್ಲಿ ಮರೆತ ಗಳಿಗೆ
ಮತ್ತೆ ಬರಲಾರದೇ?? ಮನಸು ಮಾಡು ನೀನು!!

ಕಣ್ಣ ನೀರು ಬತ್ತಿದೆ..ಅತ್ಮ ಇನ್ನೂ ಪ್ರಕಾಶಿತ
ನಿನ್ನ ಉಳಿದು ಬೇರೆ ಸಂಗ ಮಾಡಲಿಲ್ಲ ಖಂಡಿತಾ!!